حق مہر دینے کے حوالے سے سپریم کورٹ سے اہم فیصلہ آگیا
سپریم کورٹ (ایس سی) نے فیصلہ دیا ہے کہ شوہر اپنی بیوی کو حق مہر دینے کا پابند ہے، جب بھی وہ مطالبہ کرے گی۔
تحریری فیصلہ سپریم کورٹ نے خالد پرویز کی درخواست پر جاری کیا جس میں ان کی اہلیہ کے لیے شرعی حق کی فراہمی کو چیلنج کیا گیا تھا۔ تین صفحات پر مشتمل تحریری فیصلہ چیف جسٹس آف پاکستان (سی جے پی) جسٹس قاضی فائز عیسیٰ نے تحریر کیا۔
سپریم کورٹ نے اپنے تحریری فیصلے میں کہا کہ حق مہر کا مطالبہ ایک شرعی تقاضا ہے، جسے پاکستانی قانون میں محفوظ کیا گیا ہے۔
فیصلے میں کہا گیا کہ اگر نکاح میں حق مہر کی ادائیگی کا وقت نہیں بتایا گیا تو عورت جب چاہے اس کا مطالبہ کرسکتی ہے۔
